വൃത്താന്തം. - 4. ഗണം.

വൃത്തവൃത്താന്തം. - 4. ഗണം.

===================

വൃത്തം രണ്ടുതരത്തിലുണ്ട്. ഒരു വരിയില്‍ ഇത്ര അക്ഷരം വേണമെന്ന്‍ നിബന്ധനയുള്ളത് വര്‍ണ്ണവൃത്തം , ഒരു വരിയില്‍ ഇത്ര മാത്ര വേണമെന്ന്‍ നിബന്ധനയുള്ളത് മാത്രാവൃത്തം . വര്‍ണ്ണവൃത്തങ്ങളില്‍ മൂന്ന് വര്‍ണ്ണങ്ങള്‍ ചേര്‍ന്നത് ഒരു ഗണം. വര്‍ണ്ണം ലഘുവോ ഗുരുവോ ആകാം . ലഘുവോ ഗുരുവോ രണ്ടും ചേര്‍ന്നോ മൂന്നുവര്‍ണ്ണങ്ങള്‍ വ്യത്യസ്ത ക്രമത്തില്‍ വരുന്നതനുസരിച്ച് ഗണങ്ങള്‍ക്ക് പേരുകല്പിച്ചിട്ടുണ്ട് .

1. ٮ - - ആദ്യത്തെ വര്‍ണ്ണം ലഘു , മറ്റെല്ലാം ഗുരു- ആദിലഘു - യഗണം.
2. -ٮ - മദ്ധ്യവര്‍ണ്ണം ലഘു , മറ്റെല്ലാം ഗുരു- മദ്ധ്യലഘു - രഗണം.
3. - - ٮ അന്ത്യവര്‍ണ്ണം ലഘു , മറ്റെല്ലാം ഗുരു- അന്ത്യലഘു - തഗണം .
4. - ٮ ٮ ആദ്യത്തെ വര്‍ണ്ണം ഗുരു , ബാക്കിയെല്ലാം ലഘു - ആദിഗുരു - ഭഗണം
5. ٮ - ٮ മദ്ധ്യ വര്‍ണ്ണം ഗുരു , ബാക്കിയെല്ലാം ലഘു - മദ്ധ്യഗുരു - ജഗണം.
6. ٮ ٮ - അന്ത്യവര്‍ണ്ണം ഗുരു , ബാക്കിയെല്ലാം ലഘു - അന്ത്യഗുരു - സഗണം.
7. - - - സവ്വഗുരു - മഗണം.
   ٮ ٮ ٮ സവ്വലഘു - നഗണം.
   ശ്രീ ഏ.ആര്‍ . രാജരാജവര്‍മ്മ എഴുതിയ വൃത്തമഞ്ജരി എന്ന ഗ്രന്ഥത്തില്‍ ഇതിനെപ്പറ്റി പ്രതിപാദിക്കുന്ന ഒരു ശ്ലോകമുണ്ട്.
   " ആദിമദ്ധ്യാന്തവര്‍ണ്ണങ്ങള്‍ ലഘുക്കള്‍ യരതങ്ങളില്‍
   ഗുരുക്കള്‍ ഭജസങ്ങള്‍ക്കു മനങ്ങള്‍ ഗലമാത്രമാം ."
   യരത എന്നീ ഗണങ്ങള്‍ക്ക് യഥാക്രമം ആദിമദ്ധ്യാന്തവര്‍ണ്ണങ്ങള്‍ ലഘുവായിരിക്കും , ബാക്കിയുള്ളവ ഗുരുവായിരിക്കും . ഭജസ എന്നീ ഗണങ്ങള്‍ക്ക് യഥാക്രമം ആദിമദ്ധ്യാന്തവര്‍ണ്ണങ്ങള്‍ ഗുരുവായിരിക്കും , ബാക്കിയുള്ളവ ലഘുവായിരിക്കും . മന എന്നീഗണങ്ങള്‍ യഥാക്രമം ഗ (ഗുരു), ല (ലഘു) എന്നിവ മാത്രമായിവരുന്നു . കുറച്ച് ഉദാഹരണങ്ങള്‍ നോക്കാം .

ക) വന്ദിപ്പൂ / ഭാരതാം / ബേ , സ്ഖലി / തമഖി / ലവും ചെ / യ്തു ഞങ്ങള്‍ / സദൈവ /

നിന്ദാഭാവം മുഖത്തും അവമതി നിതരാം കര്‍മ്മരംഗത്തുമായി .

- - -

വന്ദിപ്പൂ - മഗണം.

- ں -

ഭാരതാം --രഗണം

- ٮ ٮ

ബേ , സ്ഖ ലി - ഭഗണം

ٮ ٮ ٮ

ത മ ഖി - നഗണം.

ٮ - -

ല വും ചെ - യഗണം.

ٮ - -

യ്തു ഞങ്ങള്‍ - യഗണം.

ٮ - -

സ ദൈ വ - യഗണം.

ഖ) ചാരത്തുനില്ക്കുന്നൊരു പാലവൃക്ഷം

മനോഹരം പൊയ്കയില്‍ ഛായ തീര്‍ക്കേ

- - ٮ - -          ٮ

ചാ ര ത്തു / നി ല്ക്കു ന്നൊ /

ٮ - ٮ      - -

രു പാ ല /വൃ ക്ഷം -----തഗണം / തഗണം / ജഗണം /ഗുരു /ഗുരു

ٮ - ٮ

മ നോ ഹ/

- - ٮ

രം പൊ യ്ക /

ٮ     - ٮ               - -

യി ല്‍   ഛാ  യ /തീര്‍ ക്കേ --------ജഗണം / തഗണം / ജഗണം / ഗുരു / ഗുരു

ഗ) ഐശ്വര്യത്തിന്നുറവാകുമീ സുരപഥം

എന്നമ്മയാം ഭാരതം.

- - -          - ٮ ٮ

ഐശ്വര്യ / ത്തിന്നുറ /

 

- ٮ -

വാകുമീ /

ٮ ٮ ٮ

സുരപ /

- - -        ٮ - - ٮ       -

ഥം എന്ന / മ്മയാം ഭാ / രതം. -----മഗണം / ഭഗണം / രഗണം / നഗണം / മഗണം / യഗണം / ലഘു / ഗുരു.